Gendra


 Gendra


Gek aku ki sapa?

Kok nganti semana anggonmu nggrahita

Ora tau gathuk mata senajan saklebatan

Ora tau gapyuk raga ing nyata kasunyatan

Kok mengkana lehmu ngeboti pikiran


Gek sira ki sapa?

Ngatoni ati tansah ngeridu

Andum esem kang sepet madu

Andum gunem kang kasar bludru

Nganti ndadekne tratapan sakdawane wektu


Subya subya ramene jaman

Sorak gembira ngulati kahanan 

Kegayuk sarujuk sakrenane kelangenan

Gubra gabru caos anthuk mung dolanan

Sajak ndelikne mulya uga kacingkrangan


Sepisan aku titip pepeling

Aja nyingkur inten mburu beling

Aja nyelaki setya ngoyak rupa

Kang kabeh amung ngawiti crah rubedha


Wus aja,...aja tenan

Milang miling golek tanding

Serik gilo kipo kipo kang sumandhing

Njabut landhepe keris nglabuhi gapluke lading

Gendramu paribasan nyuwek kemul ing mangsa bedhidhing


Wus enggal jegrek,...mandheg

Aja nganti lenamu ngudeg banyu butheg

Aja nganti prasajamu dadi runtik ing uteg

Tinimbang paribasan pari ora melu matun

Ngingu sapi ora melu nuntun

Lereno gendramu, murih kayuyun ngundhuh getun!!!!!


Amsterdam

07/01/2022

Komentar

Posting Komentar

Postingan populer dari blog ini

Terompah Kyai Ngabdulah

Gambar
 Terompah Kyai Ngabdulah Siji-sijine langgar sing ana ing desa wis katon sepi. Bocah-bocah sing biyasa ngaji, dina iki padha budhal menyang pondhok pesantren gedhe. Saperlu arep sinau olah ilmu kanuragan, kang diwulangake pendhak Jemuwah bengi. Pencak silat sing diwulangne dene Gus Mohtar, putrane Kyai Ngabdulah. Senajan ditempuh karo mlaku dhampyak-dhampyak sangu obor, nyatane anggone nglurug ilmu bocah-bocah kuwi ora nate kendhor. Nanging bengi iki, mbuh kena apa Mbah Yai Dulah kok kadingaren mbaleni nginguk langgare. "Woalah Cung, arep cerita apa kok nganti betah anggonmu  ndhepipis ana ngisor bedhug?" pitakone Mbah Yai sawise dhehem saka njabane pager. Sanalika praupane Kojin langsung pucet. Antarane wedi, isin lan kaget. Nanging kabeh wis diniati dene dheweke, yen bengi iki kudu ngakoni kesalahane.  "Ngapunten Mbah Yai, kula ingkang luput" kandhane karo ndhingkluk. Kopyahe sing wis mbulak lan lebus ambune diblusukne sajeru-jerune. "Lhooo, luput kena apa Cu...
Baca selengkapnya

Randha Bingung #8

Gambar
 *Randha Bingung* #8 Bu carik katon wis dandan mlipit. Jarik wiron, kebaya kutu baru ora keri selendhange. Tambah gandhes karo sanggul lan sandhal jinjite. Dina iki ana rapat gedhen ing kecamatan. Lurah lan carik sarimbitan arep lunga nekani undhangan. "Bas, kae becakku wis teka. Aku takbudhal sik ya," kandane Bu Carik marang adhine. "Yen butuh apa apa ngongkon Gendhon wae, dibengoki sing banter. Soale kupinge rodok budheg." Tambahe karo sripat sripit mbenakne jarike. "Mas Guntur ora bareng ta Mbak?" Pitakone Baskoro saka ndhuwur kursi rodhane. "Masmu mengko nyusul, bareng karo Pak Lurah," semaure Bu Carik sing wis lungguh ana becak. Latar jembar sing kebak kembang katon seger ijo ditambahi suwara ocehe manuk. Ana ing mbale omah gedhe, Baskoro lungguh ana kursi rodhane. Mripate ora owal nyawangi sikile sing di gips merga tiba kepleset ana jedhing omahe. Pancen balung wis ora enom maneh, ndadekne dengkule mesle lan kudu dioprasi supaya bisa bali...
Baca selengkapnya

Sukarni #5

Gambar
 ~Sukarni~ #5 Mulih saka warunge mak Suthup, Sukarni nampa dhayoh sing lagek jagongan karo bu Bambang. Pak Bambang ora neng omah amerga nepaki mlebu bengi. Wong lanang sing dikenal banget karo Sukarni lan keluwargane neng ndesa. "Lhooo, Mas Puad... sampeyan kok ngerti aku manggon neng kene," pitakone Sukarni sakwise nyalami dhayohe. "Aku wis paham ceritane, uga kedadeyane Kar. Lik Bagong uga wis cerita kanti tutug perkara dhompetmu iki," jawabe mas Puad karo ngelungne dhompete Sukarni sing isih utuh isine. "Sepurane yen rodok telat olehku nyusul kowe Kar, warunge ora bisa taktinggal." Mas Puad nggenahne yen sejatine wis sesasi kepungkur diparani karo Lik Bagong.  Sakliyane perlu mbalekne dhompet Sukarni, uga perlu menehi alamate pak Bambang. Saknalika Sukarni kelingan maneh marang lik Bagong. Nalika kepethuk ana gedhung biskop, banjur ngalih klepat ora bali senajan wis muni ngongkon ngenteni. "Ahhh....mbuh, ora urus. Sing penting dhompete lan mas Pu...
Baca selengkapnya