Randha Bingung


 ~Randha Bingung~


Kangmas,

Yen isih pantes aku pingin cerita

Seguk lan iluh kang mrembeng ana ing mata

Nglakoni urip ijen dhewekan

Tanpa cagak lan sikil kang bisa takgawe sesendhenan


Kangmas,

Ati iki nandang ngelayung deleg bingung

Mlaku sakmlaku tansah kedlarung

Mingket sakmingket kaya kesrimpet

Obah sakobah kaya mung ninggal dredhah


Kangmas,

Sakpungkurmu saka sisihanku

Saklungamu oncat tega ninggalake aku

Ora bakal aku nglesot, ngridha lumahing asta

Ora bakal aku mundhuk, ngasorake bathuk laku nistha

Senajan mbulat ulat kaya mawa


Kangmas,

Upama wae bisa blaka tinemu suta

Sejatine pancen abot nyandhang tanpa garwa

Nanging, apa pancen wis kalebu ila ila

Yen randha bisa dadi punjere prahara

Yen randha bisa dadi sumbere perkara


Nanging ora...ora tenan!!!

Senajan garing mekingking genthong daringanku

Ora bakal nyincing jarik lan kembenku

Senajan nela aking tegal tetanduranku

Ora bakal nunjang palang ngrusak pager ayu


Duuuh....Gusti

Mugi paring ati kang sabar

Mugi paring dhadha kang jembar

Nganti nunggu tekaning legan

Kang bisa nampa lan bareng sarimbitan

Labuh samudra endahing urip bebrayan


Nuwun

Ouderkerk

26/01/2022

Komentar

Posting Komentar

Postingan populer dari blog ini

Sukarni #5

Gambar
 ~Sukarni~ #5 Mulih saka warunge mak Suthup, Sukarni nampa dhayoh sing lagek jagongan karo bu Bambang. Pak Bambang ora neng omah amerga nepaki mlebu bengi. Wong lanang sing dikenal banget karo Sukarni lan keluwargane neng ndesa. "Lhooo, Mas Puad... sampeyan kok ngerti aku manggon neng kene," pitakone Sukarni sakwise nyalami dhayohe. "Aku wis paham ceritane, uga kedadeyane Kar. Lik Bagong uga wis cerita kanti tutug perkara dhompetmu iki," jawabe mas Puad karo ngelungne dhompete Sukarni sing isih utuh isine. "Sepurane yen rodok telat olehku nyusul kowe Kar, warunge ora bisa taktinggal." Mas Puad nggenahne yen sejatine wis sesasi kepungkur diparani karo Lik Bagong.  Sakliyane perlu mbalekne dhompet Sukarni, uga perlu menehi alamate pak Bambang. Saknalika Sukarni kelingan maneh marang lik Bagong. Nalika kepethuk ana gedhung biskop, banjur ngalih klepat ora bali senajan wis muni ngongkon ngenteni. "Ahhh....mbuh, ora urus. Sing penting dhompete lan mas Pu...
Baca selengkapnya

Abot

Gambar
 Abot  Kapisah dening purbaning pesthi Kuwi abot,...abot banget anggone nglakoni Tan bisa kuwawa nggandholi Tan bisa kuwasa ngendhani  Mung bisa nampa Senajan ampeg ing jero dhadha Amerga nata panariman kuwi ora gampang Mung bebasan bayi nangis nemu selendhang  Ora,... ora mengkono  Perih larane nyangga kelangan katresnan Abot tenan!!! Amstelveen  18-07-2023
Baca selengkapnya

Entah Berapa Purnama

Gambar
 Entah Berapa Purnama Kulipat kisah yang telah usang Tak akan kucari jejak yang hilang Bahwa sikapmu teramat sakiti aku Hingga benciku membunuh rindu  Tak apa bila kau memilih pergi Akupun tak ingin menjadi duri  Kulepas semua cerita kelam Tanpamu kunikmati sunyinya malam Entah berapa purnama Namamu hilang ditelan masa Tak kurasa lagi perih yang dulu  Yang kau hujamkan dalam jantungku Entah berapa purnama Bayang dirimu seakan sirna Dalam mimpi pun tak kutemukan Karena pergimu telah kurelakan  Dan bila waktu mempertemukan Kuharap semua akan baik-baik saja Tiada apa yang ingin kurubah Karena telah kudapatkan cinta yang indah Lisse 19-07-2023
Baca selengkapnya