Aja kudhungan


 Aja Kudhungan!


Bola bali setelan rok sakudhunge disawangi karo bingung lan bungahe ati.

Bingung merga isih wedi kepiye anggone ngawiti omong marang wong tuwane.

Bungah, merga rupa jambon kuwi pancen sing dadi kesenengane.


"Gusti...kenapa mesthi kaya ngene kahanane?"

"Gusti...apa aku keliru, yen uga pingin nutupi awakku?"

Pitakone lunga teka, mbulat-ulat ngebaki dhadha.

Sawetara bayangan kanca kancane ing panggonane ngolah raga, saya katon ana ing mata.

Poto-poto sing dipasang ana "medsos" yen nepaki arisan, plesiran, nekani kondangan kabeh katon ayu malah kaya-kaya ngajak jor-joran.


Senajan dheweke kerep uga dijak dolan bareng-bareng, nanging mesthi wae katon seje dhewe.

Kanca-kancane sing sejatine uga muride utawa "Member" ing panggonane nyambut gawe dadi "Instructeur Fitness" pancen wong wedok sing beja.

Sing lanang rata-rata nduweni bayar sing gedhe.

Ora nggumun yen wayah budhal "Aerobics lan Fitness" tumpakane padha rodha papat lan sandhangane uga gonta ganti kaya "bintang iklan" sing ana ing tipi.


Isih ana njero kamare, klambi setelan sing isih buntelan kuwi dibukaki maneh.

Ana rendane, ana pitane. Ing kudhunge malah komplit ana bros sing diwenehi manik-manik gilap. Persis kaya sing dikarepne lan diimpekake.

Kaine alus tur adhem, rupane uga gawe ati marem. Dhuuuh...mendah pantes lan luwese upama dheweke bisa nggawe, banjur mlaku-mlaku plesiran sakancane. 

"Bapak,...Ibu, ngapuranen anakmu!" Geges atine gupuh pakewuh dibarengi netese iluh.


Bayangan cerita sing wis liwat, kaya-kaya padha oncat.

Kelingan nalika isih umur welasan, nalika nembe wae lulus saka sekolah "SMEA"ne.

Kepiye bingunge dheweke nalika ndhelikne lipene. Kaya apa bingunge dheweke nalika ndhelikne sandhal jinjite. Kaya apa koncat-kancite dheweke nalika golek alasan tuku kotang sak kancute.

"Gusti...kena apa kok kudu aku?"

"Aku wis ora kuwat, aku ora kuwat..." jerit batine saya keranta kelara. 


Sawetara, udane saya deres.

Puh pinuh wiwit isuk ceblok kaya disok. 

Omah gendom tinggalane landa, sing dipanggoni dheweke wiwit lair nganti saiki uga wis mulai tuwa.

Bapake sing pangsiunan pabrik gula, uga ibune sing pangsiunan bidhan nduweni hak manggon ana omah gendom senajan ora melu urun tukon.

Jenggirat dheweke ngadek nyet, nalika saka njaba krungu suwarane bapake.

"Gus...Agus,...ewangana mbenakne gentheng sing trocoh Le."

"Nggih, Pak," semaure karo ndhelikne klambi anyare ana ngisor ambene.

Merga Agus yakin, yen konangan wongtuwane mesthi bakal muni "aja kudhungan!"


Nuwun🙏🙏🙏

Ouderkerk 23/03/2022

Gambar ilustrasi takjupuk saja internet.

Salah sijine artis sing saiki wis melu kudhungan. Initiaale NM

Komentar

Posting Komentar

Postingan populer dari blog ini

Terompah Kyai Ngabdulah

Gambar
 Terompah Kyai Ngabdulah Siji-sijine langgar sing ana ing desa wis katon sepi. Bocah-bocah sing biyasa ngaji, dina iki padha budhal menyang pondhok pesantren gedhe. Saperlu arep sinau olah ilmu kanuragan, kang diwulangake pendhak Jemuwah bengi. Pencak silat sing diwulangne dene Gus Mohtar, putrane Kyai Ngabdulah. Senajan ditempuh karo mlaku dhampyak-dhampyak sangu obor, nyatane anggone nglurug ilmu bocah-bocah kuwi ora nate kendhor. Nanging bengi iki, mbuh kena apa Mbah Yai Dulah kok kadingaren mbaleni nginguk langgare. "Woalah Cung, arep cerita apa kok nganti betah anggonmu  ndhepipis ana ngisor bedhug?" pitakone Mbah Yai sawise dhehem saka njabane pager. Sanalika praupane Kojin langsung pucet. Antarane wedi, isin lan kaget. Nanging kabeh wis diniati dene dheweke, yen bengi iki kudu ngakoni kesalahane.  "Ngapunten Mbah Yai, kula ingkang luput" kandhane karo ndhingkluk. Kopyahe sing wis mbulak lan lebus ambune diblusukne sajeru-jerune. "Lhooo, luput kena apa Cu...
Baca selengkapnya

Randha Bingung #8

Gambar
 *Randha Bingung* #8 Bu carik katon wis dandan mlipit. Jarik wiron, kebaya kutu baru ora keri selendhange. Tambah gandhes karo sanggul lan sandhal jinjite. Dina iki ana rapat gedhen ing kecamatan. Lurah lan carik sarimbitan arep lunga nekani undhangan. "Bas, kae becakku wis teka. Aku takbudhal sik ya," kandane Bu Carik marang adhine. "Yen butuh apa apa ngongkon Gendhon wae, dibengoki sing banter. Soale kupinge rodok budheg." Tambahe karo sripat sripit mbenakne jarike. "Mas Guntur ora bareng ta Mbak?" Pitakone Baskoro saka ndhuwur kursi rodhane. "Masmu mengko nyusul, bareng karo Pak Lurah," semaure Bu Carik sing wis lungguh ana becak. Latar jembar sing kebak kembang katon seger ijo ditambahi suwara ocehe manuk. Ana ing mbale omah gedhe, Baskoro lungguh ana kursi rodhane. Mripate ora owal nyawangi sikile sing di gips merga tiba kepleset ana jedhing omahe. Pancen balung wis ora enom maneh, ndadekne dengkule mesle lan kudu dioprasi supaya bisa bali...
Baca selengkapnya

Sukarni #5

Gambar
 ~Sukarni~ #5 Mulih saka warunge mak Suthup, Sukarni nampa dhayoh sing lagek jagongan karo bu Bambang. Pak Bambang ora neng omah amerga nepaki mlebu bengi. Wong lanang sing dikenal banget karo Sukarni lan keluwargane neng ndesa. "Lhooo, Mas Puad... sampeyan kok ngerti aku manggon neng kene," pitakone Sukarni sakwise nyalami dhayohe. "Aku wis paham ceritane, uga kedadeyane Kar. Lik Bagong uga wis cerita kanti tutug perkara dhompetmu iki," jawabe mas Puad karo ngelungne dhompete Sukarni sing isih utuh isine. "Sepurane yen rodok telat olehku nyusul kowe Kar, warunge ora bisa taktinggal." Mas Puad nggenahne yen sejatine wis sesasi kepungkur diparani karo Lik Bagong.  Sakliyane perlu mbalekne dhompet Sukarni, uga perlu menehi alamate pak Bambang. Saknalika Sukarni kelingan maneh marang lik Bagong. Nalika kepethuk ana gedhung biskop, banjur ngalih klepat ora bali senajan wis muni ngongkon ngenteni. "Ahhh....mbuh, ora urus. Sing penting dhompete lan mas Pu...
Baca selengkapnya