Randhane Bupati


 Randhane Bupati


Isuk-isuk lungguh jigang ngedhep kopi

Ora keri suguhane koran karo roti

Ora bingung golek mboke menir sing ditapeni 

Amerga sendhenane gabah uga lumbung pari


Dhasare wong ayu 

Arepa tuwa isih katon ayu

Apa maneh yen mesem ngguyu

Pipine dhekik senajan awake lemu


Beja-bejane awak

Urip mapan sarwo kepenak 

Wiwit nom senengane macak

Mangkane kaya babon reden bolak-balik manak


Mlakune luwes sripat-sripit

Jarike gandhes wironan mlipit 

Sandhale kulit mburine jinjit 

Bangkekane nawon kemit bokonge nyedhit


Arane randha, nanging randha beja 

Ora ketunggon nanging sugih bandha

Raja kaya lan mas picis raja brana

Tegal sawah sapirang-pirang tur amba


Randha teles dhenok dheblong 

Omahe gebyok magrong-magrong

Yen adang lemes ngliwet uga gosong

Ora genah alu buntu semprong bolong


Bebasan sendhenan kayu jati 

Dhedhege tansah merak ati

Gandane wangi arum melati 

Nganti karan randhane Bupati 


Amstelveen 

02-08-2023

Komentar

Posting Komentar

Postingan populer dari blog ini

Abot

Gambar
 Abot  Kapisah dening purbaning pesthi Kuwi abot,...abot banget anggone nglakoni Tan bisa kuwawa nggandholi Tan bisa kuwasa ngendhani  Mung bisa nampa Senajan ampeg ing jero dhadha Amerga nata panariman kuwi ora gampang Mung bebasan bayi nangis nemu selendhang  Ora,... ora mengkono  Perih larane nyangga kelangan katresnan Abot tenan!!! Amstelveen  18-07-2023
Baca selengkapnya

Sukarni #5

Gambar
 ~Sukarni~ #5 Mulih saka warunge mak Suthup, Sukarni nampa dhayoh sing lagek jagongan karo bu Bambang. Pak Bambang ora neng omah amerga nepaki mlebu bengi. Wong lanang sing dikenal banget karo Sukarni lan keluwargane neng ndesa. "Lhooo, Mas Puad... sampeyan kok ngerti aku manggon neng kene," pitakone Sukarni sakwise nyalami dhayohe. "Aku wis paham ceritane, uga kedadeyane Kar. Lik Bagong uga wis cerita kanti tutug perkara dhompetmu iki," jawabe mas Puad karo ngelungne dhompete Sukarni sing isih utuh isine. "Sepurane yen rodok telat olehku nyusul kowe Kar, warunge ora bisa taktinggal." Mas Puad nggenahne yen sejatine wis sesasi kepungkur diparani karo Lik Bagong.  Sakliyane perlu mbalekne dhompet Sukarni, uga perlu menehi alamate pak Bambang. Saknalika Sukarni kelingan maneh marang lik Bagong. Nalika kepethuk ana gedhung biskop, banjur ngalih klepat ora bali senajan wis muni ngongkon ngenteni. "Ahhh....mbuh, ora urus. Sing penting dhompete lan mas Pu...
Baca selengkapnya

Gayuk-Gayuk Tuna

Gambar
 Gayuk-Gayuk Tuna Silir semilir angin kutha Sala  Dadi saksi nggonmu mapag aku teka  Rikala semana, sakwetane alun-alun kutha  Sumringahe guyumu ngembang asmara Semendhe ngalemmu takrangkul ing dhadha Dhemit setan apa sing nggegodha Tanpa barat tanpa angin kowe lunga luru upa golek kamulyan ing manca Tega ninggal katresnan nalika isih ngrembaka Cetha ngajak pisahan tanpa perkara  Tikus pithi kejiret neng ngisor meja Mupus ati diremet-remet adhuh lara Tikus gerit kesrimpet mendonge klasa Aku njerit ngempet mondhong rasa nelangsa Gayuk gayuk tuna  Takrewangi niba tangi  Kowe sing taktresna jebul mung nglarani ati  Gayuk-gayuk tuna  Takgandholi meksa lunga  Pungkase asmara abote dadi wong sudra Amstelveen  07-07-2023 Geschreven door Sita Aulliya
Baca selengkapnya