Tulung Aja Gela


 Tulung Aja Gela


Yen pancen dudu jodhone 

Terus arep dikapakne?

Dioyak-oyak digosok-gosok 

Ora penak malah padha panas kemropok


Aku sing ngelakoni

Nyambung rasa nyambung ati

Dina-dina wulan nganti taun 

Rasane kaya dalan munggah mudhun 


Apa aku iki salah

Yen nyatane awake dhewe pilih pisah

Cerita sing wingi sing  sarwo indah

Ditutup wae tinimbang dadi masalah


Tulung...tulung aku njaluk tulung 

Tulung cukupna anggonmu gawe cerita

Kaya-kaya aku wong lanang paling nistha 

Seneng gawe dolanan atine wanita 


Tulung... tulung aku njaluk tulung 

Aja gela yen pancen dudu jodhone

Aja nyalahne tanpa ngerti kasunyatane

Saben dina kaya ra ana pungkasane


Dunga-dinunga nyuwun marang kang kuwasa

Muga bebrayan langgeng nganti tekan pupute yuswa

Komentar

Posting Komentar

Postingan populer dari blog ini

Abot

Gambar
 Abot  Kapisah dening purbaning pesthi Kuwi abot,...abot banget anggone nglakoni Tan bisa kuwawa nggandholi Tan bisa kuwasa ngendhani  Mung bisa nampa Senajan ampeg ing jero dhadha Amerga nata panariman kuwi ora gampang Mung bebasan bayi nangis nemu selendhang  Ora,... ora mengkono  Perih larane nyangga kelangan katresnan Abot tenan!!! Amstelveen  18-07-2023
Baca selengkapnya

Sukarni #5

Gambar
 ~Sukarni~ #5 Mulih saka warunge mak Suthup, Sukarni nampa dhayoh sing lagek jagongan karo bu Bambang. Pak Bambang ora neng omah amerga nepaki mlebu bengi. Wong lanang sing dikenal banget karo Sukarni lan keluwargane neng ndesa. "Lhooo, Mas Puad... sampeyan kok ngerti aku manggon neng kene," pitakone Sukarni sakwise nyalami dhayohe. "Aku wis paham ceritane, uga kedadeyane Kar. Lik Bagong uga wis cerita kanti tutug perkara dhompetmu iki," jawabe mas Puad karo ngelungne dhompete Sukarni sing isih utuh isine. "Sepurane yen rodok telat olehku nyusul kowe Kar, warunge ora bisa taktinggal." Mas Puad nggenahne yen sejatine wis sesasi kepungkur diparani karo Lik Bagong.  Sakliyane perlu mbalekne dhompet Sukarni, uga perlu menehi alamate pak Bambang. Saknalika Sukarni kelingan maneh marang lik Bagong. Nalika kepethuk ana gedhung biskop, banjur ngalih klepat ora bali senajan wis muni ngongkon ngenteni. "Ahhh....mbuh, ora urus. Sing penting dhompete lan mas Pu...
Baca selengkapnya

Gayuk-Gayuk Tuna

Gambar
 Gayuk-Gayuk Tuna Silir semilir angin kutha Sala  Dadi saksi nggonmu mapag aku teka  Rikala semana, sakwetane alun-alun kutha  Sumringahe guyumu ngembang asmara Semendhe ngalemmu takrangkul ing dhadha Dhemit setan apa sing nggegodha Tanpa barat tanpa angin kowe lunga luru upa golek kamulyan ing manca Tega ninggal katresnan nalika isih ngrembaka Cetha ngajak pisahan tanpa perkara  Tikus pithi kejiret neng ngisor meja Mupus ati diremet-remet adhuh lara Tikus gerit kesrimpet mendonge klasa Aku njerit ngempet mondhong rasa nelangsa Gayuk gayuk tuna  Takrewangi niba tangi  Kowe sing taktresna jebul mung nglarani ati  Gayuk-gayuk tuna  Takgandholi meksa lunga  Pungkase asmara abote dadi wong sudra Amstelveen  07-07-2023 Geschreven door Sita Aulliya
Baca selengkapnya